Xornada ENTIC: Empresas intelixentes e xestión enerxética
Casos de éxito e ferramentas ENTIC

Martes, 11/11/2014, Santiago de Compostela

O Proxecto ENTIC, www.entic.eu ten como obxectivo favorecer o desenvolvemento e a incorporación ás pemes de medidas de eficiencia enerxética apoiadas en solucións TIC como factor de competitividade. ENTIC enmárcase na iniciativa de Cooperación Transfronteiriza España-Portugal (POCTEP), financiada polo Fondo Europeo de Desenvolvemento Rexional (FEDER) da Unión Europea, no proxecto, liderado polo IGAPE, participan ademais 8 socios de Galicia e Portugal.

Nesta Xornada presentaranse 4 exemplos de éxito na implantación de medidas de eficiencia enerxética e sostibilidade aplicadas coa apoio das TIC, ademais de información actualizada sobre as actividades e servizos de ENTIC.

Dirixido a: empresarios, directivos e xestores enerxéticos de empresas de calquera sector, especialmente aqueles nos que o gasto enerxético é un compoñente importante dos seus custos de produción. Empresarios ou directivos relacionados co sector de aforro e eficiencia enerxética.
Asistencia gratuíta - aforamento limitado